Skip to page content

Pwyllgorau CCAUC

Cynhaliwyd adolygiad o strwythur ac aelodaeth ein pwyllgorau yn 2008 a lansiwyd y pwyllgorau newydd yn 2009.

  • Pwyllgor Penodiadau - mae’n penodi ac ailbenodi unigolion ag arbenigedd addas nad ydynt yn aelodau o’r Cyngor ar bwyllgorau’r Cyngor, yn ogystal â chynrychiolwyr CCAUC ar bwyllgorau a phaneli allanol.
  • Pwyllgor Archwilio a Sicrhau Risg - mae’n rhoi sicrwydd annibynnol i’n Cyngor ynghylch effeithiolrwydd rheolaeth fewnol, trefn lywodraethol gorfforaethol, a rheoli risg.
  • Pwyllgor Adnoddau Dynol - mae’n ystyried ac yn cymeradwyo pob mater yn ymwneud â chyflogaeth.
  • Pwyllgor Datblygu Strategol - mae’n cynghori ein Cyngor ar gynigion a cheisiadau sefydliadau am brosiectau datblygu strategol ac ailgyflunio a chydweithio.
  • Pwyllgor Tâl - mae’n gwneud argymhellion i Lywodraeth Cymru ynghylch adolygiad cyflog a pherfformiad y Prif Weithredwr.
  • Pwyllgor Ymchwil, Arloesedd ac Ymwneud - mae’n cynghori’r Cyngor ar ei strategaethau ar gyfer gweithgareddau arloesedd, ymwneud (trydedd genhadaeth) ac ymchwil a’r polisïau ac egwyddorion sy’n sail iddynt, gan gynnwys trefniadau cyllido.
  • Pwyllgor Cyflawniad a Chyfleoedd Myfyrwyr - mae’n cynghori ein Cyngor ar yr holl faterion sy’n berthnasol i gyflawniad a chyfleoedd myfyrwyr mewn addysg uwch, gan gynnwys Cyfrwng Cymraeg, Hyfforddiant Cychwynnol i Athrawon, ehangu mynediad, cydraddoldeb ac amrywiaeth, a sgiliau a chyflogadwyedd, gyda’r nod o sicrhau bod addysg uwch Cymru’n diwallu anghenion a disgwyliadau dysgwyr a rhanddeiliaid eraill.
  • Pwyllgor Asesu Ansawdd - mae’n ymgymryd â chyfrifoldebau statudol y Cyngor mewn perthynas ag asesu ansawdd sy’n codi o Ddeddf Addysg Bellach ac Uwch 1992 a Deddf Addysg Uwch (Cymru) 2015.

Siart strwythur pwyllgorau

Aelodau pwyllgorau a datganiadau o fuddiannau

Rheolau Sefydlog ar gyfer pob Pwyllgor CCAUC

[Ar gael yn Saesneg yn unig.]
Skip to top of page or to page menu