Skip to page content

Sefydliadau a Reoleiddir

Bydd pob sefydliad sydd â chynllun mynediad a ffioedd cymeradwy’n cael ei adnabod fel sefydliad a reoleiddir. Mae pob sefydliad a reoleiddir a sefydliadau sy’n darparu addysg ar ei ran yn gorfod cadw at holl bwerau rheoleiddiol CCAUC.

Sefydliadau a reoleiddir yw sefydliadau yng Nghymru sy'n elusennau ac sy'n darparu addysg uwch. Cyn cymeradwyo cynllun mynediad a ffioedd, bydd CCAUC wedi ei fodloni ei hun bod ansawdd addysg y sefydliad a reoleiddir yn ddigonol a'i fod yn hyfyw yn ariannol a bod ganddo drefniadau addas yn eu lle ar gyfer trefnu a rheoli ei faterion ariannol.

Mae rhwymedigaethau sefydliadau a reoleiddir yn cynnwys y canlynol:

  • sicrhau nad yw ffioedd cwrs a reoleiddir yn uwch na’r terfyn ffioedd perthnasol;
  • cydymffurfio ag unrhyw gyfarwyddyd a roddir yn gyfreithiol gan CCAUC;
  • ystyried unrhyw gyfarwyddyd gan CCAUC wrth gydymffurfio â chyfarwyddyd penodol a roddir gan CCAUC mewn perthynas â chydymffurfio â therfynau ffioedd;
  • cydymffurfio â gofynion cyffredinol cynllun mynediad a ffioedd cymeradwy;
  • cydweithredu â CCAUC wrth ymarfer ei ddyletswyddau i fonitro a gwerthuso cydymffurfiaeth ac effeithiolrwydd cynllun;
  • ystyried cyfarwyddyd CCAUC ar ansawdd;
  • ystyried cyngor mewn perthynas â darpariaeth sydd, neu sy’n debygol o ddatblygu i fod, yn annigonol o ran ansawdd;
  • cydweithredu â dyletswydd CCAUC i asesu ansawdd ei addysg a’r addysg a ddarperir gan ddarparwr allanol ar ei ran;
  • cydymffurfio ag unrhyw ofyniad a orfodir gan y cod rheolaeth ariannol;
  • cydymffurfio â chyfarwyddyd mewn perthynas â methu cydymffurfio â’r cod;
  • ystyried unrhyw gyfarwyddyd yn y cod rheolaeth ariannol;
  • cydweithredu â swyddogaeth CCAUC mewn perthynas â methu cydymffurfio â’r cod; a
  • cydweithredu â dyletswyddau CCAUC i fonitro cydymffurfiaeth â’r cod.

Mae’r tabl isod yn datgan y sefydliadau a reoleiddir yng Nghymru a’r sefydliadau hynny sy’n darparu addysg ar ran sefydliadau a reoleiddir (o dan berthnasoedd masnachfraint yn aml). Ceir dolenni at y cynlluniau mynediad a ffioedd perthnasol mewn cromfachau.

  • Prifysgol Aberystwyth (2017/18) (2018/19)
    • Coleg Cambria
    • Coleg Gwent
  • Prifysgol Bangor (2017/18) (2018/19)
    • Grŵp Llandrillo Menai
  • Prifysgol Caerdydd (2017/18) (2018/19)
  • Prifysgol Metropolitan Caerdydd (2017/18) (2018/19)
    • Coleg Caerdydd a'r Fro
    • Coleg Penybont
  • Grŵp Llandrillo Menai (2017/18) (2018/19)
  • Grŵp NPTC (2017/18) (2018/19)
  • Prifysgol Abertawe (2017/18) (2018/19)
    • Coleg Cambria
  • Prifysgol De Cymru (2017/18) (2018/19)
    • Coleg Brenhinol Cerdd a Drama Cymru
    • Coleg Caerdydd a'r Fro
    • Coleg Gwent
    • Coleg Gŵyr Abertawe
    • Coleg Penybont
    • Coleg y Cymoedd
    • Grŵp NPTC
    • Y Coleg Merthyr Tudful
  • Prifysgol Cymru Y Drindod Dewi Sant (2017/18) (2018/19)
    • Coleg Sir Gâr
    • Coleg Sir Benfro
    • Grŵp NPTC
    • Coleg Gŵyr Abertawe
  • Prifysgol Glyndŵr Wrecsam (2017/18) (2018/19)
    • Grŵp Llandrillo Menai
    • Grŵp NPTC
    • Barking and Dagenham College

Byddwn yn ymgynghori â sefydliadau a reoleiddir ac eraill fel sy’n briodol ynghylch gweithredu ein cyfrifoldebau newydd o dan y Ddeddf.

Skip to top of page or to page menu