Y Coleg Cymraeg Cenedlaethol
Cafodd y Coleg Cymraeg Cenedlaethol ei sefydlu ym mis Mawrth 2011 fel cwmni cyfyngedig drwy warant ac mae hefyd wedi'u gofrestru’n elusen. Mae pob sefydliad addysg uwch yn aelod o’r Coleg a bydd ganddo nifer cyfartal o aelodau o gyrff rhanddeiliadol. Mae gan y Coleg Fwrdd o 13 o Gyfarwyddwyr sy’n cynnwys y cadeirydd annibynnol, chwe chyfarwyddwr o’r sector addysg uwch, pedwar cyfarwyddwr annibynnol, cyfarwyddwr o blith y myfyrwyr a chyfarwyddwr o blith y staff. Mae gan CCAUC statws fel sylwedydd ar y Bwrdd.
Cyfarfu’r Bwrdd Cyfarwyddwyr am y tro cyntaf ar ddiwedd mis Mawrth a dechreuodd y Coleg ei flwyddyn academaidd lawn gyntaf ym mis Awst 2011.
Amcan y Coleg yw:- “er lles y cyhoedd, hybu dysg a gwybodaeth drwy hyrwyddo, cynnal, datblygu a goruchwylio darpariaeth cyfrwng Cymraeg mewn addysg uwch yng Nghymru, gan weithio gyda sefydliadau addysg uwch yng Nghymru a thrwyddynt”.
Mae’r Ganolfan Addysg Uwch Cyfrwng Cymraeg, a oedd gynt yn gyfrifol am gynorthwyo’r sector i ddatblygu darpariaeth cyfrwng Cymraeg, wedi cael ei hymgorffori yn y Coleg. Bydd y Coleg yn parhau i ddatblygu gwaith y Ganolfan yn ogystal â chyflwyno cynlluniau a rhaglenni newydd.
Rhai o brif raglenni’r Coleg yw:- Ysgoloriaethau ar gyfer myfyrwyr sy’n dysgu drwy gyfrwng y Gymraeg
- Ysgoloriaethau Ymchwil
- Cynllun Staffio Academaidd
- Cronfa Datblygiadau Strategol a Phrosiectau.
I gael rhagor o wybodaeth ewch i wefan y Coleg.
Cyllidir y Coleg gan CCAUC a thrwy danysgrifiadau gan y sefydliadau.
