Ansawdd
Mae hyn yn cynnwys sicrhau ansawdd, asesiad ansawdd a chodi ansawdd yn y sector addysg uwch yng Nghymru.
Cyflawni'r Asiantaeth Sicrhau Ansawdd ar gyfer Addysg Uwch (ASA) adolygiad o bob sefydliadau addysg uwch (SAU) yng Nghymru. Gelwir y broses yn ‘adolygiad sefydliadol’.
Ei ddiben yw bodloni diddordeb y cyhoedd mewn gwybod bod SAUau Cymru yn cynnig cymwysterau addysg uwch o safon ac ansawdd academaidd priodol.
Mae’r broses yn ei gwneud yn ofynnol i bob sefydliad gyhoeddi ystod o wybodaeth am ansawdd a safonau addysgu, a fydd yn cael ei fonitro gan yr ASA. Mae peth o'r wybodaeth hon ar gael ar wefannau'r sefydliadau, ac mae peth ar gael ar y wefan Unistats.
Dechreuodd proses adolygu newydd yn y flwyddyn academaidd 2009/10. Mae rhagor o wybodaeth ar wefan yr Asiantaeth Sicrhau Ansawdd.
Cyfeirwyd at ein cyfrifoldeb asesiad ansawdd dan y ddeddf addysg bellach ac addysg uwch , 1992,drwy ein Pwyllgor Profiad Myfyrwyr, Athrawon ac Ansawdd.
Mae gan CCAUC Femorandwm Dealltwriaeth (MD) gydag Estyn a’r ASA. Cafodd y MD ei ddatblygu i ddarparu fframwaith ar gyfer y berthynas waith rhwng CCAUC, yr ASA ac Estyn, er mwyn sicrhau cydweithredu effeithlon ac effeithiol mewn perthynas â’r Broses Adolygu Sefydliadol newydd ar gyfer Cymru. Mae’n ymrwymo i osgoi dyblygu ymdrech, gan nodi gweithgareddau sydd o ddiddordeb cyffredin lle y byddai cydweithio o fudd i ddysgwyr mewn addysg uwch, a chan rannu arbenigedd i gefnogi gwelliannau parhaus yn ansawdd addysg.
