Achredu darparwyr hyfforddiant cychwynnol athrawon
(HCA) yng Nghymru
O dan Reoliadau Addysg (Cymwysterau Athrawon Ysgol) (Cymru) 2004, mae CCAUC yn gyfrifol am achredu darparwyr hyfforddiant cychwynnol athrawon (HCA) yng Nghymru.
Mae gofyn i bob sefydliad sy'n darparu HCA yng Nghymru gael ei achredu gan CCAUC er mwyn cynnal cyrsiau HCA, sy'n caniatáu i fyfyrwyr ennill Statws Athro Cymwysedig (SAC).
Mae is-ddeddfwriaeth a gyflwynwyd yn 2006 yn darparu safonau SAC diwygiedig a meini prawf diwygiedig ar gyfer achredu HCA gan CCAUC.
Yn dilyn ymgynghori â’r sector addysg uwch yn gynnar yn 2008, mae CCAUC wedi cymeradwyo meini prawf a gweithdrefnau diwygiedig ar gyfer achredu darparwyr HCA. Maent hwy’n ymwneud ag achredu darparwyr newydd, cadarnhau bod y darparwyr presennol yn cydymffurfio, a mynd i’r afael â diffyg cydymffurfio.
Seilir y gweithdrefnau diwygiedig ar ofynion presennol Llywodraeth Cynulliad Cymru a threfniadau presennol Estyn ar gyfer arolygu darparwyr HCA. Bydd CCAUC yn diwygio'r gweithdrefnau achredu yn ôl y gofyn i adlewyrchu unrhyw newidiadau a wneir gan Lywodraeth Cynulliad Cymru neu Estyn.
Mae gweithdrefnau achredu’n cyfeirio at safonau SAC 2006. Mae’r rhain wedi cael eu disodli gan safonau SAC 2009 (mewn grym o 1 Medi, 2009). Dylid cymryd bellach fod cyfeiriadau yn y gweithdrefnau at safonau SAC 2006 yn cyfeirio at safonau SAC 2009.
Meini prawf ar gyfer achredu Achredu darparwyr newydd Cadarnhau bod y darparwyr HCA achrededig presennol yn cydymffurfio Ymdrin â diffyg cydymffurfio a thynnu achrediad yn ôl Llywodraeth Cynulliad Cymru: Y gofynion ar gyfer darparu cyrsiau hyfforddiant cychwynnol athrawon (Atodiad A) Achredu darparwyr newydd: Crynodeb o’r gweithdrefnau (Atodiad B) Cysylltu cwestiynau allweddol yn Fframwaith Arolygu Cyffredin Estyn â meini prawf Llywodraeth Cynulliad Cymru ar gyfer achredu HCA (Atodiad C)
Tynnu achrediad yn ôl: Crynodeb o’r gweithdrefnau (Atodiad D)
