Sgiliau a chyflogadwyedd
Ein nod yw sicrhau bod addysg uwch yng Nghymru yn cwrdd ag anghenion a disgwyliadau dysgwyr a rhanddeiliaid eraill, yn enwedig cyflogwyr, drwy gynhyrchu graddedigion tra medrus a chyflogadwy yn ogystal â chyfleoedd ar gyfer diweddaru sgiliau’r gweithlu presennol drwy ddatblygiad proffesiynol parhaus.
Bydd CCAUC yn darparu cyllid ar gyfer yr agenda sgiliau a chyflogadwyedd drwy’r sianeli a ganlyn:
GO Wales
CCAUC yw noddwr y rhaglen GO Wales a weithredir mewn partneriaeth â sefydliadau addysg uwch (SAUau) Cymru i hybu datblygu sgiliau ar gyfer yr economi gwybodaeth.
Y dull cyllido addysgu
Mae dull addysgu CCAUC yn caniatáu i SAUau yng Nghymru ddarparu eu cyrsiau’n hyblyg o ran strwythur a lleoliad. Mae'r system yn ddigon hyblyg i ddarparu’n effeithiol ar gyfer dysgu yn y gweithle (e.e. Datblygiad Proffesiynol Parhaus, cyrsiau hyfforddi wedi’u teilwra, ac ati).
Hyfforddiant Ymchwil Ôl-Radd (YOR)
Mae’r hyfforddiant a ddarperir gan SAUau i ddatblygu’r genhedlaeth nesaf o ymchwilwyr tra medrus yn cael ei gynnal gan ein ffrwd gyllido YOR.
Y Gronfa Trydedd Genhadaeth
Defnyddiwn y Gronfa Trydedd Genhadaeth i gefnogi gweithgareddau yn y cyswllt hwn, gan gynnwys cyflogadwyedd graddedigion.
Y Gronfa Ailgyflunio a Chydweithio / Y Gronfa Datblygu Strategol
Mae’r cyllid a ddarparwn ar gyfer cydweithio yn cynnal nifer o gynlluniau sydd â phwyslais pendant ar sgiliau fel Academi Sgrin Cymru Skillset sydd yn ganolfan rhagoriaeth hyfforddiant a sgiliau lefel uchel ar gyfer y diwydiant ffilm.
Cymorth Ychwanegol i Fyfyrwyr Rhan-amser
£2 filiwn y flwyddyn, at gryfhau cydweithio gyda chyflogwyr mewn perthynas â darpariaeth addysg uwch ran-amser.
Y Fenter Cymorth Economaidd
Yn 2009, gan gydnabod yr angen i helpu i liniaru effeithiau’r trafferthion economaidd presennol, darparwyd cyfanswm o £2 filiwn i hybu gweithio ar y cyd rhwng SAUau ac i wella ac ychwanegu gwerth at waith sy’n cael ei wneud eisoes gydag unigolion a chyflogwyr.
W09/06HE: Economic Support Initiative (Saesneg yn unig)
Cynghorau Sgiliau Sector yw’r cyrff wedi’u gyrru gan gyflogwyr sydd gyda’i gilydd yn rhoi llais i gyflogwyr oddeutu 90% o weithlu’r DU ar faterion yn ymwneud â sgiliau.
- Cafodd Cynghrair y Cynghorau Sgiliau Sector ei sefydlu i fod yn llais i’r holl CSSau, i gydlynu eu safleoedd polisi ac i helpu i gryfhau eu perfformiad a’u heffeithiolrwydd.
- Rheolir perfformiad y CSSau gan Gomisiwn y DU ar gyfer Cyflogaeth a Sgiliau (UKCES)
- Mae Llywodraeth Cynulliad Cymru wedi sefydlu Bwrdd Cyflogaeth a Sgiliau Cymru i gynghori gweinidogion ar bob mater yn ymwneud â sgiliau, cyflogaeth a chymorth busnes.
- ein haelodaeth o Grŵp Rhanddeiliaid Llywodraeth Cynulliad Cymru, sydd â’r nod o sicrhau bod CSSau, mewn partneriaeth â rhanddeiliaid allweddol, yn gwella eu perfformiad yn barhaus yng Nghymru. Bydd hyn yn cynnwys datblygu cynlluniau gweithredu gyda phob un o’r 25 CSS
- ein Grŵp Cyfathrebiadau AU-CSS, sydd â’r nod o helpu i sefydlu cysylltiadau strwythuredig strategol rhwng SAUau Cymru a’r Cynghorau Sgiliau Sector er mwyn cyflawni polisïau a strategaethau Llywodraeth Cynulliad Cymru
