GO Wales
Mae CCAUC yn noddi’r rhaglen Cyfleoedd i Raddedigion Cymru (GO Wales), sy’n helpu myfyrwyr a graddedigion yng Nghymru i ddod o hyd i waith – neu brofiad gwaith – ac yn annog busnesau Cymreig i edrych yn nes adref am y medrau uwch sydd eu hangen arnynt.
Caiff y rhaglen ei gweinyddu gan ddeg sefydliad addysg uwch yng Nghymru ac mae’n cynnig gwasanaethau i israddedigion, graddedigion a busnesau ar hyd a lled y wlad.
Rhai o’r gwasanaethau a gynigir yw:- lleoliadau blasu gwaith i fyfyrwyr a graddedigion sy’n eu galluogi i ddysgu mwy am eu dewis yrfa
- lleoliadau gwaith gyda chyflog i fyfyrwyr a graddedigion
- cymorth ariannol i fentrau bach i ganolig i’w helpu i hyfforddi a datblygu eu staff graddedig
- rhaglen Academi Graddedigion i helpu graddedigion tan gyflogedig a di-waith i gyrchu gwaith a phrofiad gwaith wrth feithrin sgiliau lefel uwch
- rhaglen Academi Gweithwyr Annibynnol i’r rheiny sy’n ystyried neu sy’n dymuno cymryd y camau cyntaf tuag at weithio ar eu liwt eu hunain
Mae GO Wales yn cael ei gyllido’n rhannol gan gyllid cydgyfeiriant o Gronfa Gymdeithasol Ewrop.
