Caffael
Mae ein swyddogaeth gaffael yn darparu arbenigedd caffael i’n staff ac i’r sector addysg uwch (AU) yng Nghymru. Mae’n codi proffil caffael yn fewnol ac o fewn y sector AU. Hefyd, mae'n cyfleu polisïau Llywodraeth Cymru i randdeiliaid yn y sector AU, ac eraill.
Mae’r swyddogaeth gaffael o fewn CCAUC yn:- cefnogi gweithgareddau caffael CCAUC i sicrhau y ceir gwerth am arian pan fydd yn prynu ei nwyddau, gwasanaethau a gwaith ei hun, ac y dilynir yr arfer gorau ym maes caffael bob amser
- gweithio gyda’r sector AU i hybu ac i roi cyngor ar yr arferion caffael gorau
Datganiad ar bolisi caffael a rôl gaffael CCAUC
Gweithdrefnau caffael llawn CCAUC
Mae caffael cynaliadwy yn gwreiddio egwyddorion datblygu cynaliadwy mewn penderfyniadau gwario. Gall penderfyniadau gwario gwell sy’n cymryd agweddau amgylcheddol a chymdeithasol yn ogystal ag agweddau economaidd i ystyriaeth roi gwir werth am arian.
Mae ein Polisi Caffael Cynaliadwy yn nodi’r egwyddorion, polisïau a gweithdrefnau y seilir gweithgaredd caffael cynaliadwy o fewn CCAUC arnynt. Mae hefyd yn ysgogi staff sy’n gysylltiedig â chaffael nwyddau, gwasanaethau a gwaith i ddefnyddio cynaliadwyedd yn ffactor yn eu penderfyniadau prynu.
Fframwaith Caffael Cynaliadwy (SPAF)
Asesiad risg cynaliadwyedd ar gyfer prynu nwyddau
Asesiad risg cynaliadwyedd ar gyfer prynu gwasanaethau
Cynhyrchwyd Agor Drysau – Y Siarter dros Gaffael Cyfeillgar i Gwmnïau Bach i Ganolig gyda chymorth Gwerth Cymru. Mae’r Siarter hon yn rhan o raglen o waith i sefydlu ymagwedd gyson at gaffael ar draws y sector cyhoeddus yng Nghymru wrth fynd i’r afael, yr un pryd, â materion sydd o bryder arbennig i gwmnïau bach i ganolig.
Mae CCAUC a’r sector AU wedi ymrwymo i’r Siarter.
Agor Drysau – Y Siarter dros Gaffael Cyfeillgar i Gwmnïau Bach i Ganolig
