Chwilio

1. Ynghylch y sector addysg uwch yng Nghymru
2. Cydraddoldeb ac amrywiaeth
3. Cyllido addysg uwch yng Nghymru
4. Sefydliadau addysg uwch
5. Ystadegau
6. Astudio mewn addysg uwch
7. Blaenoriaethau Llywodraeth Cymru

Prifysgol Fetropolitan Caerdydd (APCC gynt)

Prifysgol Fetropolitan Caerdydd (Athrofa Prifysgol Cymru, Caerdydd gynt)  ym Medi 1976 o dan y teitl Athrofa Addysg Uwch De Morgannwg. Fe’i ffurfiwyd drwy gyfuno pedwar coleg: Coleg Addysg Caerdydd, Coleg Celf Caerdydd, Coleg Technoleg Bwyd a Masnach Caerdydd a Choleg Technoleg Llandaf. Ar 1 Ebrill 1992, trodd yr athrofa yn Gorfforaeth Addysg Uwch ac roedd yn Sefydliad Cyswllt i Brifysgol Cymru. Ym 1993 cafodd yr athrofa sêl bendith y Cyfrin Gyngor i gael pwerau dyfarnu graddau a addysgir. Cafodd ei dderbyn i Brifysgol Cymru fel Coleg Prifysgol ym mis Ebrill 1996, gan newid ei enw i Athrofa Prifysgol Cymru, Caerdydd. Derbyniwyd APCC yn Athrofa Gyfansoddol o Brifysgol Cymru yn 2002. Yn 2006 daeth Ysgol Fasnach Llundain (LSC) yn Goleg Cyswllt i APCC, gan gynnig cyrsiau i fyfyrwyr APCC yn Llundain, Kuala Lumpur, Singapôr, Dhaka a champws Rhodfa Colchester yng Nghaerdydd. Yn 2008 dathlodd APCC ei bedwaredd flwyddyn yn aelod o Gonsortiwm FE2HE-APCC, sy’n cynnwys Coleg y Barri, Coleg Pen-y-bont ar Ogwr, Coleg Glan Hafren, Y Coleg, Ystrad Mynach, ac Athrofa Prifysgol Cymru, Caerdydd (APCC), a grewyd i gyfoethogi cyfleoedd dysgu i fyfyrwyr o amgylch de-ddwyrain Cymru. Ymunodd Coleg Dewi Sant a'r Consortiwm yn 2009. Yn 2006 enillodd APCC safon Buddsoddwr mewn Pobl.   Yn 2009 rhoddodd y Cyfrin Gyngor pwerau dyfarnu graddau ymchwil i APCC.

Mae myfyrwyr o bedwar ban byd yn dilyn rhaglenni gradd Prifysgol Fetropolitan Caerdydd. Yng Nghaerdydd mae dros 1000 o fyfyrwyr rhyngwladol yn astudio ar ei champysau ac mae llawer o’r rhain yn perthyn i’r 20% o fyfyrwyr Prifysgol Fetropolitan Caerdydd sy’n astudio ar gyfer gradd ôl-raddedig. Mae tua 3000 o fyfyrwyr rhyngwladol yn astudio amser-llawn y tu allan i Gaerdydd drwy raglenni addysg rhyngwladol APCC, nid drwy’r Cyngor Dysgu a Sgiliau’n unig, ond hefyd ym Mwlgaria a’r Dwyrain Canol, ac ym Moroco a’r Aifft.

Mae holl adeiladau Prifysgol Fetropolitan Caerdydd yn agos i ganol dinas Caerdydd. Ceir 4 campws addysgu – Llandaf, Cyncoed, Rhodfa Colchester a Gerddi Howard. Mae APCC wedi cyhoeddi strategaeth ystadau £50 million a fydd yn gweld buddsoddiadau arwyddocaol ar draws ei gampysau academaidd, gan gynnwys adeilad newydd i Ysgol Rheolaeth Caerdydd yng nghampws Llandaf.

Arwyddair Prifysgol Fetropolitan Caerdydd yw: “Yr eiddo gwerthfawrocaf yw gwybodaeth” Gweledigaeth Prifysgol Fetropolitan Caerdydd yw: Bod yn ddarparwr gyda’r blaenaf ar addysg uwch sy’n hyrwyddo cyflogadwyaeth myfyrwyr; ymchwil gymhwysol a throsglwyddo gwybodaeth. Ei genhadaeth yw: Cynnig cyfleoedd dysgu sy’n canolbwyntio ar fyfyrwyr sy’n hawdd cael atynt, hyblyg, cynhwysol, gydol oes ac o’r ansawdd uchaf; Darparu diwylliant y gall ymchwil gymhwysol a menter ffynnu ynddi; Datblygu canolfannau rhagoriaeth newydd ac sydd mewn bod mewn addysg broffesiynol, ymchwil gymhwysol a throsglwyddo gwybodaeth; Cynnig gwasanaethau sy’n cwrdd ag anghenion Cymru a chymunedau ehangach drwy weithio mewn partneriaeth â chyrff yn y ddinas, a rhai cenedlaethol a rhyngwladol.

1. Adborth | 
2. Cysylltwch â ni | 
3. Map safle | 
4. Cwestiynau cyffredin | 
5. Hygyrchedd | 
6. Tanysgrifio 

1. Hawlfraint | 
2. Preifatrwydd | 
3. Ymwadiad