Chwilio

1. Ynghylch y sector addysg uwch yng Nghymru
2. Cydraddoldeb ac amrywiaeth
3. Cyllido addysg uwch yng Nghymru
4. Sefydliadau addysg uwch
5. Ystadegau
6. Astudio mewn addysg uwch
7. Blaenoriaethau Llywodraeth Cymru

Prifysgol Cymru, Casnewydd

Gellir olrhain gwreiddiau Prifysgol Cymru, Casnewydd, yn ôl at Athrofa Mecaneg Casnewydd, a sefydlwyd ym 1841. Sefydlwyd y Brifysgol fel Coleg Addysg Uwch Gwent ym mis Medi 1975 yn dilyn uno Coleg Addysg Caerllion, Coleg Celf Casnewydd a Choleg Technoleg Gwent. Ar 1 Ebrill 1992, daeth y Coleg yn Gorfforaeth Addysg Uwch, ac yn Sefydliad Cysylltiol o Brifysgol Cymru. Yn ffurfiol, daeth y Coleg yn Goleg Prifysgol, Prifysgol Cymru ym mis Ebrill 1996, gan newid ei enw i Goleg Prifysgol Cymru, Casnewydd. Yn 2004, daeth yn Brifysgol Cymru, Casnewydd.

Mae’r Brifysgol wedi’i lleol ar ddau gampws yn ac o gwmpas Casnewydd, De Cymru. Campws Caerllion yw canolfan weinyddol y Brifysgol a chartref presennol yr Ysgol Addysg, yr Ysgol Iechyd a Gwyddorau Cymdeithasol a rhan o Ysgol Gelf, y Cyfryngau a Dylunio Casnewydd, yn ogystal â Chanolfan Dyscovery sy’n cynnig asesiadau a chymorth i blant ac oedolion gyda dyslecsia, dyspracsia ac anawsterau dysgu eraill. Mae Canolfan Dysgu Cymunedol a Gydol Oes y Brifysgol hefyd wedi’i lleoli yng Nghaerllion, ac mae ganddi ganolfan gymunedol yn Nhredegar. Adeilad newydd sbon yw Campws y Ddinas a godwyd yng nghanol dinas Casnewydd, ac mae’n gartref i Ysgol Fusnes Casnewydd ac elfenau dylunio, ffilm a chyfryngau’r Ysgol Gelf, Cyfryngau a Dylunio. Mae Campws y Ddinas yn ganolbwynt i weithgareddau creadigol, busnes ac entrepreneuraidd y Brifysgol.

Cenhadaeth Prifysgol Cymru Casnewydd yw: Ysbrydoli a galluogi unigolion, sefydliadau a chymunedau i lwyddo trwy arloesi mewn addysg, ymchwil a mentergarwch o ansawdd uchel.

1. Adborth | 
2. Cysylltwch â ni | 
3. Map safle | 
4. Cwestiynau cyffredin | 
5. Hygyrchedd | 
6. Tanysgrifio 

1. Hawlfraint | 
2. Preifatrwydd | 
3. Ymwadiad