Chwilio

1. Ynghylch y sector addysg uwch yng Nghymru
2. Cydraddoldeb ac amrywiaeth
3. Cyllido addysg uwch yng Nghymru
4. Sefydliadau addysg uwch
5. Ystadegau
6. Astudio mewn addysg uwch
7. Blaenoriaethau Llywodraeth Cymru

Prifysgol Morgannwg

Sefydlwyd yn wreiddiol yn Nhrefforest ym 1913 fel Ysgol Pyllau De Cymru a Sir Fynwy, a dynodwyd y sefydliad fel Coleg Polytechnig Morgannwg yn Ebrill 1970. Yn Ebrill 1975, unodd â Choleg Addysg Morgannwg yn y Barri ac ail-ddynodwyd fel Coleg Polytechnig Cymru. Ar 1 Ebrill 1992, daeth y Coleg Polytechnig yn Gorfforaeth Addysg Uwch. Ar ôl y penderfyniad i ganiatáu colegau polytechnig i fabwysiadu teitl prifysgol, daeth y Coleg Polytechnig yn Brifysgol Morgannwg ar 1 Medi 1992. Ym Mai 2006, integreiddiwyd Coleg Addysg Bellach Merthyr Tudful â’r Brifysgol lle'r oedd wrth galon y Gyfadran Addysg Bellach newydd. Ar 1 Ionawr 2007, sefydlodd y Brifysgol gynghrair strategol â Choleg Cerdd a Drama Frenhinol Cymru lle daeth y Coleg yn is-gwmni a berchnogir yn gyfan gwbl gan y Brifysgol.

Prif leoliad y Brifysgol yw ei champws gwreiddiol yn Nhrefforest. Yn ychwanegol, mae ganddi gampysau yng Nglyn-taf (Cyfadran Iechyd, Chwaraeon a Gwyddoniaeth) ac ym Merthyr Tudful (Cyfadran Addysg Bellach). Ym Medi 2007, agorodd y Brifysgol gampws newydd yng nghanol Caerdydd o’r enw “ATRiuM” – i fod yn gartref i Ysgol Diwydiannau Creadigol a Diwylliannol Caerdydd.

Mae’r Brifysgol yn nodi ei gweledigaeth fel: “…ymrwymo i ddarparu awyrgylch addysgu o’r radd flaenaf, sy’n cynnwys y safon orau o e-ddysgu a thiwtora yn ogystal a darparu adnoddau dysgu arloesol: awyrgylch dysgu sy’n annog ein myfyrwyr i ddatblygu a ffynnu, yn academaidd ac yn gymdeithasol. Myfyrwyr ac felly graddedigion sy’n meddu ar sgiliau ddadansoddol a’r agwedd benderfynol o lwyddo, rhinweddau y mae galw mawr amdanynt ymysg cyflogwyr.”

1. Adborth | 
2. Cysylltwch â ni | 
3. Map safle | 
4. Cwestiynau cyffredin | 
5. Hygyrchedd | 
6. Tanysgrifio 

1. Hawlfraint | 
2. Preifatrwydd | 
3. Ymwadiad