Chwilio

1. Ynghylch y sector addysg uwch yng Nghymru
2. Cydraddoldeb ac amrywiaeth
3. Cyllido addysg uwch yng Nghymru
4. Sefydliadau addysg uwch
5. Ystadegau
6. Astudio mewn addysg uwch
7. Blaenoriaethau Llywodraeth Cymru

Prifysgol Abertawe

Sefydlwyd Prifysgol Abertawe gan Siarter Frenhinol fel sefydliad cyfansoddol o Brifysgol Cymru ym 1920. Yn 2007, cymeradwywyd Siarter Atodol newydd gan Ei Mawrhydi Y Frenhines, a sefydlodd Abertawe’n brifysgol yn ei hawl ei hun, yn annibynnol o Brifysgol Cymru. Daeth y newid ffurfiol mewn statws i rym ar 1 Medi 2007.  Ar ôl cydweithio â Phrifysgol Caerdydd derbyniodd Ysgol Feddygaeth Prifysgol Abertawe ei fyfyrwyr cyntaf ym mis Medi 2009.

Gorweddai'r prif gampws ym Mharc Singleton, yn edrych dros Fae Abertawe dwy filltir i’r gorllewin o Ganol Dinas Abertawe. Mae datblygiadau newydd, megis y Sefydliad Gwyddor Bywyd a’r Technium Digidol yn eistedd wrth ochr adeiladau mwy hanesyddol, megis Abaty Singleton, abaty neo-Gothig o’r 19eg Ganrif, sydd bellach yn gartref i weinyddiaeth y Brifysgol. Mae ail gampws yn Hendrefoelan sy’n cynnwys pentref myfyrwyr, yn lletya oddeutu 1,600 o fyfyrwyr. Mae’r cynlluniau ar gyfer y campws arloesiad  a gwyddoniaeth gyda phartneriaid diwydiannol, wedi dechrau. 

Bydd Prifysgol Abertawe’n cynnig amgylchedd rhagoriaeth ymchwil, gan ymgymryd ag ymchwil a gydnabyddir yn rhyngwladol sy’n hysbysu’r holl weithgareddau eraill yn y Brifysgol. Bydd Prifysgol Abertawe’n cyflwyno profiad nodedig i fyfyrwyr, gydag addysgu o’r ansawdd uchaf, sy’n creu graddedigion sydd wedi’u paratoi ar gyfer cyflawniad disglair personol a phroffesiynol. Bydd y gymuned Brifysgol yn gadarnle am dwf yn yr economi ranbarthol, a bydd yn cyfoethogi cymuned a bywyd diwylliannol Cymru. Bydd yn cyfrannu at iechyd, hamdden a lles dinasyddion yn ne orllewin Cymru a’r tu hwnt.

1. Adborth | 
2. Cysylltwch â ni | 
3. Map safle | 
4. Cwestiynau cyffredin | 
5. Hygyrchedd | 
6. Tanysgrifio 

1. Hawlfraint | 
2. Preifatrwydd | 
3. Ymwadiad